නවතම තොරතුරු

ලෝක ආහාර වැඩසටහන (WFP) සහ ප්රධාන ලේකම් කාර්යාලය අතර විශේෂ සාකච්ඡාවක් - 2026.10.14
ලෝක ආහාර වැඩසටහනේ (WFP) සහයෝගීතාව සඳහා වූ හවුල්කාරීත්ව ලේකම් කාර්යාලයේ අධ්යක්ෂ (සැලසුම්) සහ ගණකාධිකාරීතුමාගේ ප්රධානත්වයෙන් විශේෂ සාකච්ඡාවක් 2026 ඔක්තෝබර් 14 වන දින ප්රධාන ලේකම් කාර්යාලයේදී පැවැත්විණි.
මෙහිදී ශ්රී ලංකාවේ උපායමාර්ගික සැලැස්මට (Country Strategic Plan) අදාළ කටයුතු මෙන්ම, පාසල් දරුවන්ගේ පෝෂණය හා කෘෂිකාර්මික දැනුම වර්ධනය උදෙසා ක්රියාත්මක "ගෙවත්තෙන් පන්ති කාමරයට" (Sow and Grow) වැඩසටහනේ වර්තමාන ප්රගතිය පිළිබඳව දීර්ඝ ලෙස සමාලෝචනය කෙරිණි.තවදුරටත් කියවන්න
ඔක්තෝබර් 14, 2026
උතුරු මැද පළාත් ප්රධාන ලේකම් කාර්යාලයෙන් අල්ලස හා දූෂණය පිටුදැකීමේ විශේෂ දැනුවත් කිරීමේ වැඩසටහනක් පැවැත්වෙයි - 2026.10.14
උතුරු මැද පළාත් ප්රධාන ලේකම් කාර්යාලයේ අභ්යන්තර කටයුතු ඒකකය (Internal Affairs Unit) මඟින් පළාත තුළ අල්ලස හා දූෂණය නතර කිරීම සහ ඒ පිළිබඳව මහජනතාව දැනුවත් කිරීමේ විශේෂ ප්රචාරක වැඩසටහනක් 2026 ඔක්තෝබර් 14 වන දින ක්රියාත්මක කරන ලදී.
පළාත් මාර්ගස්ථ මගී ප්රවාහන අධිකාරියේ පූර්ණ අනුමැතිය හා සහයෝගය ඇතිව සංවිධානය කරන ලද මෙම වැඩසටහනේදී, අල්ලස් හෝ දූෂණ ක්රියා සම්බන්ධයෙන් තොරතුරු හා පැමිණිලි ඉදිරිපත් කළ හැකි ආකාරය පිළිබඳ මහජනයා දැනුවත් කෙරිණි.තවදුරටත් කියවන්න
ඔක්තෝබර් 14, 2026
අභ්යන්තර කටයුතු ඒකකයේ සාකච්ඡාව - 2026.10.08
උතුරු මැද පළාත් ප්රධාන ලේකම් ජේ.එම්.ආර්.පි.ජයසිංහ මහතාගේ උපදෙස් හ මග පෙන්විම මත අභ්යන්තර කටයුතු ඒකක ප්රධානි ආර්.එම්.පි.ඩි පුෂ්ප කුමාරි මහත්මිය හා ඒකකයේ සාමාජික නිලධාරින් හා සහාය කාර්යය මණ්ඩලය 2026.10.08 වෙනි දින පෙ.ව. 11.00 ට ප්රධාන ලේකම් කාර්යාලයේ දි රැස්විය. එම රැස්විමේදී ප්රධාන ලේකම් කාර්යාලයේ කාර්යය මණ්ඩලයේ එක් එක් නිලධාරියා ස්වයංඇගයීමට ලක් කිරිමට අදාලව සකස් කරන ලද ස්වයං ඇගයුම් පෝරම සම්බන්ධව සාකච්ඡාවට ලක් කෙරිණි. එමගින් තමාටම තමාගේ සුපිලිපන්නභාවය සම්බන්ධයෙන් තිරණයක් ගෙන වැරදි, නිවැරදි කර ගැනිමට මෙය අවස්ථාවක් වන බැවින්, මෙම කාර්යය කඩිනමි කිරිමට අභ්යන්තර කටයුතු ඒකකයේ සියළු නිලධාරින් එකඟ විය. ඊට අමතරව e පුවත් පතක් සකස් කර කාර්යය මණ්ඩලයට මෙන්ම පළාතේ සියළු රාජ්ය නිලධාරින් සදහා ද අදහස් එළි දැක්විමට හැකි වන පරිදි කඩිනමින් මෙම කාර්යය සිදු කරන මෙන් ප්රධාන ලේකම්තුමා සහ අභ්යන්තර කටයුතු ඒකක ප්රධානි සියළු සමාජිකයින් දැනුවත් කරන ලදි.තවදුරටත් කියවන්න
ඔක්තෝබර් 9, 2026
උතුරු මැද පළාත් සභා ප්රධාන ලේකම් කාර්යාලයේ කාර්ය මණ්ඩලය දැනුවත් කිරීමේ වැඩසටහනක් සාර්ථකව පවත්වන ලදී -2026.10.07
උතුරු මැද පළාත් ප්රධාන ලේකම් ජේ.එම්.ආර්.පි.ජයසිංහ මහතාගේ උපදෙස් හා මග පෙන්විම මත අභ්යන්තර කටයුතු ඒකක ප්රධානි ආර්.එම්.පි.ඩි පුෂ්ප කුමාරි මහත්මිය හා ඒකකයේ සාමාජික නිලධාරින් හා සහාය කාර්යය මණ්ඩලය එක් වී ප්රධාන ලේකම් කාර්යාලයේ කාර්යය මණ්ඩලය දැනුවත් කිරිමේ කිරිමේ වැඩසටහනක් 2026.10.07 වන දින ප.ව 2.00 ට පළාත් සභා ශ්රවනාගාරයේදී පැවැත් විය. මේ සදහා ප්රධාන ලේකම් කාර්යාලයේ සියළුම නිලධාරින් සහභාගි වුහ.තවදුරටත් කියවන්න
ඔක්තෝබර් 8, 2026
ලේකම් කමිටු රැස්වීම - 2026/10/07
උතුරු මැද පළාත් සභාවේ ලේකම් කමිටුවේ නියමිත රැස්වීම 2026 ඔක්තෝබර් 07 දින අනුරාධපුරයේ පිහිටි ප්රධාන ලේකම් කාර්යාලයේදී පැවැත්විණි. උතුරු මැද පළාතේ ප්රධාන ලේකම් ජේ.එම්.ආර්.පී. ජයසිංහ මහතාගේ ප්රධානත්වයෙන් පැවති මෙම රැස්වීමට පළාත් සභාව යටතේ පවතින සියලුම අමාත්යාංශවල ලේකම්වරුන් සහ නියෝජ්ය ප්රධාන ලේකම්වරුන් ඇතුළු ජ්යෙෂ්ඨ රාජ්ය නිලධාරීන් සහභාගී වූහ. මෙහිදී උතුරු මැද පළාතේ සමස්ත පරිපාලන කාර්යක්ෂමතාව, අයවැය ප්රතිපාදන භාවිතය සහ මූල්ය ස්ථාවරත්වය කෙරෙහි විශේෂ අවධානය යොමු කරමින්, පළාතේ සමස්ත කාර්යසාධනය පිළිබඳ පුළුල් සමාලෝචනයක් කමිටුව විසින් සිදු කරන ලදී. එමෙන්ම, පළාත තුළ ක්රියාත්මක වන සංවර්ධන ව්යාපෘතිවල මේ වන විට අත්කරගෙන ඇති භෞතික හා මූල්ය ප්රගතිය පිළිබඳවද විශේෂ අවධානය යොමු කරමින්, අදාළ ව්යාපෘති නියමිත කාලසීමාවන්ට අනුකූලව සැලසුම්ගත පරිදි ක්රියාත්මක වන්නේද යන්න පිළිබඳව ඇගයීමක් සිදු කරන ලදී.තවදුරටත් කියවන්න
ඔක්තෝබර් 7, 2026Copyright© 2008 - 2025 Office of the Chief Secretary - North Central Province. All Rights Reserved.
සංවර්ධනය ජේ.එස්. වලාකුළුආරච්චි (තොරතුරු තාක්ෂණ නිළධාරී)
