උතුරු මැද පළාතේ ලොතරැයි අලෙවිකරුවන්ගේ දරුවන්ට ජනාධිපති අරමුදලින් ශිෂ්යත්ව ප්රදානය කෙරේ
උතුරු මැද පළාත් අඩු ආදායම්ලාභී ලොතරැයි අලෙවිකරුවන්ගේ දරුවන් සඳහා අධ්යාපනික ශිෂ්යත්ව සහ මූල්යාධාර ප්රදානය කිරීම සඳහා ජනාධිපති අරමුදල විසින් සංවිධානය කරන ලද විශේෂ උත්සවයක් 2026 අගෝස්තු 23 වන දින උතුරු මැද පළාත් සභා ශ්රවණාගාරයේදී පැවැත්විණි.
මෙම අවස්ථාවට සිසුන්, දෙමාපියන් සහ රාජ්ය නිලධාරීන් ඇතුලු 300කට ආසන්න පිරිසක් සහභාගී වූ අතර, ප්රදේශයේ අඩු ආදායම්ලාභී පවුල්වල දරුවන්ගේ අධ්යාපන අවශ්යතා සපුරාලීම සඳහා ජනාධිපති අරමුදල මගින් ශිෂ්යත්ව චෙක්පත් ප්රදානය කිරීම ද සිදු කෙරිණි.
මෙම අවස්ථාවට ජනාධිපති ලේකම් ආචාර්ය නන්දික සනත් කුමානායක, පාර්ලිමේන්තු කථානායක ආචාර්ය අශෝක රන්වල සහ උතුරු මැද පළාත් ප්රධාන ලේකම් ජේ.එම්.ආර්.පී. ජයසිංහ යන මහත්වරුන් ඇතුලු ඉහළ පෙළේ රාජ්ය නිලධාරීන් මෙන්ම සංවර්ධන ලොතරැයි මණ්ඩලයේ සහ ජාතික ලොතරැයි මණ්ඩලයේ නිලධාරීන් ද එක්ව සිටියහ.
මෙහිදී සම්භාවනීය අමුත්තන් විසින් තෝරාගත් ශිෂ්ය ප්රතිලාභීන් වෙත ශිෂ්යත්ව චෙක්පත් පෞද්ගලිකව පිරිනමන ලදී.
අඩු ආදායම්ලාභී ලොතරැයි අලෙවිකරුවන් මුහුණ දෙන මූල්ය දුෂ්කරතා අවම කිරීමටත්, ඔවුන්ගේ දරුවන්ගේ අධ්යාපන කටයුතු අඛණ්ඩව පවත්වාගෙන යාමට අවශ්ය සහාය ලබාදීමටත් රජය දක්වන කැපවීම මෙම ඒකාබද්ධ වැඩසටහන මගින් අවධාරණය කෙරේ.
Sinhala 
English 
Tamil